湯博士作為著名的投資人, 果然資訊與觀點都很豐富, 對香港的樓巿有很深, 很獨到的見解
講座的題為 - 「香港樓巿拆局」, 湯博士將香港樓巿分拆為政府的局, 發展商的局及大圍經濟的局, 不過政府及大圍經濟的局相對比較直接及資訊性, 大家都可以在網上找到, 故不作詳細記錄, 反而發展商的局有比較特別的地方值得記錄
發展商的局 - 湯博士提到發展商係新界農地其實係有期限的, 若發展商係期限前無補地價向政府換地, 政府係有權係期限過後向發展商以農地價錢向發展商攞返啲農地, 博士指出澳門的發展商都有相同的問題, 而根據博士的資料, 部分發展商包括何超瓊都已經被收左部分的地,
湯博士認為香港政府如果向發展商收回農地, 最大可能係政府自己發展返啲農地, 即很有可能係自行發展公屋, 居屋或者以政策主導的房屋, 簡單咁講, 即係發展商會失去搵錢的機會, 所以博士認為發展商係未來會比以前主動咁同政府傾補地價改土地用途, 以防期限到時會失去生金蛋的鵝. 呢個令我諗起四叔近年不斷向社會及香港市民釋出「善意」, 主動損出土地俾政府, 甚至主動「話」起平價樓俾年輕人上樓. 其實香港的地產富豪很早以前已經收購左大量農地, 廉價土儲很多, 香港的農業除左近年多左啲有機農地外, 基本上係無咩農業, 農夫亦唔多. 相反香港人而家越住越細, 樓價亦年年創新高, 連百幾尺的納米樓都可以賣幾百萬, 尺價直迫兩萬蚊. 與其政府發展郊野公園來發拓土地, 不如俾多啲誘因發展商早啲發展農地, 起碼唔使同強大的環保團體糾纏. 又唔使要填左啲水塘, 浪費左水塘的靚景. 其實香港的水塘好多都好靚, 可以話係多嬴的方案. 不過斗室唔係土地專業人士, 以上只係有感而發, 並非經精密科學及數據計算後而得出以上結論, 唔啱听可以不理... (唔可以得罪環保人士....)
香港仔水塘
不過其實呢篇最想講唔係樓市, 係講香港會被邊緣化. 席間湯博士有提及「邊緣化」, 博士斬釘截鐡咁話香港係無可能被邊緣化, 以前唔會, 今時今日更加唔會. 係中國一帶一路帶領下, 與中國鄰近相接的國家會同中國有很多不同方面的接觸, 而家係一帶一路的「融資」階段, 而香港係體制及地理位置仍然係中國咁多個城巿入面外國比較接受的國際認可城市, 所以近年已經有唔同國家的公司或者國家的辦事處都紛紛租香港的甲級寫字樓做註腳點, 而呢班人黎香港工作亦都需要住, 所以香港的甲廈同優質的樓盤係唔會受到太大影響, 反而香港人要小心被邊緣化.
斗室係中環返工, 有好深感受, 以前中環寫字樓老細或高層好多都係老外, 而家差唔多全部已經轉哂內地人, 其實唔止高層, 連中層同底層都開始轉埋做黃河以北的同胞, 呢班同胞既後生又全部係海歸人士, 不止有潛力, 做嘢又拼博, 反觀香港公司好多都搬哂去二級地點, 好似上環,觀塘, 九龍灣等, 而香港的年輕人可能近年真係受太多衝擊, 碰到釘都傾向遷怒於政府, 社會甚至大陸, 比較少自我反省, 斗室唔係話所有年輕人都係咁, 香港仲有好多年輕有為的青年人, 但呢個社會現象真係要有改善, 香港先可以再次發光發亮, 變返東方之珠.
湯博士都有補充, 香港人見樓價升得高, 賣左自己住的市區樓, 點知樓價繼續升, 為左上返樓, 自己就買返元朗樓, 咁我地到底係被邊緣化定自己邊緣化自己呢...?
沒有留言:
張貼留言