沉靜了一年, 今天來個更新
過去一年學了很多東西, 包括關於投資及非投資類別, 往後希望可以用另外一種方式繼續更新. 剛過去的2018年, 真的很忙很充實, 每一個星期都很忙, 比以往更開心, 更有了新的方向, 日後會繼續分享
但今日要講GE係基金, 並不是要介紹基金, 而只係分享自己的白痴經驗同想法
2018年審視左自己一直每月供款的基金, 基金的內容就不消提, 係審視之後決定唔再供款, 原因係經過個十幾年的供款, 基金的增長竟然得幾萬蚊, 而想攞錢埋單走人咩, 竟然收取幾萬蚊費用, 雖然總供款唔多, 只有接近廿萬供款, 但當時若攞返錢都只能攞返本金多少少, 於是係唔等錢使的情況下, 選擇先斷供, 待基金價格上升少許再出貨
如是者, 今年再睇, (其實之前係日日都睇住啲價位, 但因為轉變的關係, 有半年無睇到啲價), 估佢唔到, 基金的價格又再下跌, 今日攞錢係連本都攞唔返哂, 要輸少少. 於是問下當時幫佢買GE SALES (呢位朋友當時係中學同學, 而家已經貴為基金的舵手, 又係知名地產代理大王的頭幾把交椅), 呢位朋友覺得我好唔滿意基金表現, 推介我將所有基金賣出, 轉哂MONEY FUND, 待時機出現, 將所有錢買哂高風險GE基金, 然後博該高風險基金單位價格彈升, 咁樣就可以搵返失去的錢, 听到呢到我覺得無辦法再同佢講落去.... 於時我只係覆左一句唔該就無再覆...
我唔知係咪因為佢係做呢行, 所以覺得基金真係可以幫到人搵到錢, 我諗最搵到錢GE都係基金經理們, 佢地無論你買的基金表現如何, 佢地都窂窂咁袋實你投入資金的佣金, 買左基金之前後你唔搵佢, 佢絕對唔會滾攪你, (真係好識做人...), 當你問意見時, 佢地永遠都唔可以俾到肯定意見你, 最後都係交由買家去決定買定唔買及買乜, 咁其實問左同無問係一撚樣. 你想唔玩咩, 佢又會突然間好勇敢咁向你講一堆唔知佢自己明唔明的專業意見, 及如有神助咁向你推介一隻或多隻好有機會會升的基金俾你, 講到如果你肯信多佢GE話就好有機會翻身.... 听到你感動流涕.... 好想飛身攬住佢錫爆佢個咀.....可惜我唔係HEHE....
講到呢到都只係想發洩下自己GE白痴, 同慨嘆自己咁大年紀先識為自己退休做準備, 係呢度真係要告誡所有後生仔, 退休係要一出黎做嘢就要諗, 你可以做自己鐘意做GE嘢, 唔使去爭名逐利, 但若果你肯一出黎做嘢就為自己理財GE話, 到左40歳, 你就唔使咁陰公.... 除非你有會俾3層樓GE父母
